شرح اضافة صورة شخصية وتوقيع
اليوم ان شاء الله رح نزلكم بعض الصور مع شرح كيفية اضافة صورة شخصية + توقيع
ان شاء الله يكون واضح واي استفسار او مساعده انا جاهزة ..
{ نبدأ بطريقة الصورة الشخصية }
1. ندخل على لوحة التحكم متل ما شايفين بالصورة
2. نكبس على صورة شخصية
3. رح يفتح لكم صفحة متل ماشايفين بالصورة ، وعندكم 3 اختيارات :
- اللون الازرق : ازا كانت الصورة بالجهاز فيكم بكل بساطه تكبسو ع اختيار ملف وتختارو الصورة
مع مراعاة الشروط الموجودة فوق عاليمين ..
- اللون الاخضر : ازا كانت الصورة من الانترنت تعملو نسخ عنوان URL وتعملو لصق بالمربع التاني الموجود بالصورة ..
- اللون البرتقالي : بتعملو نسخ عنوان URL ولصقو بالمربع التالت متل المربع التاني
وبالاخير تكبسو على سجل ليحفظ الصورة
وهيك رح تكون الصورة الشخصية
وهون رح تظهر وهاد المطلوب ..
{ نبدأ بطريقة التوقيع }
1. ندخل على لوحة التحكم متل ما شايفين بالصورة2. نكبس على التوقيع
3. بالخطوة التالتة بتعملو نسخ الصورة وتلصقوها بمربع النص الموجود بالصورة ..
وللعلم هون كمان نفس القصة ،
ازا كانت الصورة بالجهاز تنزلوها عالفيس وتعملو نسخ الصورة وتلصقوها بمربع النص ..
وبالاخير تكبسو على سجل ليحفظ الصورة .. وهيك رح يكون التوقيع
وهون رح يظهـر التوقيع
ملاحظه قبل انتهاء الشرح :
- التوقيع رح يكون تحت كل موضوع او تعليق رح تنزلو متل الصورة اللي فوق ، وفيكن تحطو اكتر من صورة ..
وشكرا لكم على وقتكم ، تحيتي لكم جميعا