شاهد عيان من دير الزور ...!؟!!
شاهد عيان من دير الزور
وضع الدير باختصار ..
* قبل كلشي حالياً القسم الأكبر من المدينة للجيش الحر .. لهلأ ما حسن الجيش يقتحم الاحياء اللي متمركزين فيها الشباب
* جابو تعزيزات من طريق دمشق و طريق حلب ، ( أهمها عدد من كتائب الفرقة العاشرة كانت مختصة بحرب العصابات في لبنان حسب حكي ضابط مندس )
* دمار هائل ياجماعة فوق ماحدا يتخيل و غير اللي شفتوه بالتلفزيون ، استغلّوا التغطية الإعلامية السيئة واللي تكاد تكون معدومة و دمرو ع كيفهم .. ياجماعة فشو خلقهم عالمزبوط و ضربوا بيد من " مابعرف إيش "
* الأيام الأولى كان سبب الدمار هو الدبابات و المدرعات وبعد ما الجيش الحر دمر قسم كبير منها ( و قصدي قسم كبير يعني أرقام كبيرة لحد هلأ ما معروفة ) و خلى الجيش النظامي ينسحب صار القصف من برا بشكل خاص من البانوراما و معسكر الطلائع ( مدفعية )
* استولى الجيش الحر ع مناطق هامة وكان الرد الفوري هو القصف من الطيارات
* الشباب اللي بالجيش الحر استبسلو بكل معنى الكلمة ( كان في منهم انتحاريين ) .. وجّعو النظام ع المزبوط وقتلو منهم بالجملة وبالمقابل استشهد عدد منهم ( إلى رحمة الله )
* المشفى العسكري ماعاد يستوعب إصابات الجنود النظاميين و صار ما يدخلو عليه إلا الحالات الحرجة واللي كان أغلبها من العناية المشددة للبراد مباشرة .. سيارات الجثث و الجرحى كانت تعدي من شارعنا.. شي مااااااااااااا بيتصدق أبداااااااً
* اللي ذبح العالم هو القناصين .. جابو قناصين أعداد هائلة جداً ولكن بفضل الله الشباب قتلو عدد منيح منهم بطريقة ( جداً جدأ جداً تبرد القلب )
* الأوضاع الإنسانية أسوأ من السوء يكفي إنو تتخيلو انقطاع الكهربا شو ممكن يساوي بدرجة حرارة تخليك تشعر إنك عايش بـ ( سقر ) .. نقص غذائي دوائي حاد .. الخبز راحت مشانو أرواح كتير .. المي قطعوها عن بعض المناطق .. نزوح هائل للرقة والحسكة وحلب
* القصف يشمل فقط الأحياء اللي ما انسحب منها الجيش الحر ( حميدية – عمال – جبيلة – العرضي – شيخ ياسين - الموظفين .. ) بقية المناطق ( الجورة – القصور – الرشدية .... ) فيها اشتباكات قوية على مدار 24 ساعة تقريباً و لا يخلُ الأمر من كم قذيفة
............
كل واحد بالدير عم يساعد بهالمحنة حسب استطاعتو .. الرجال و النسوان .. الصغار والكبار وانشاالله الله يصبرهم لأن الوضع كل مازالو نحو الاسوأ