بعض كلمات أغاني راشد الماجد
بعض كلمات أغاني راشد الماجد
ــــــــــــــــــــــــــــ
يا ناسينا
ــــــــــــ
كلمات : سامي الجمعان ألحان : صالح الشهري
يا ناسينا يا ناسينـــــــــــــا
وش اللي ذكرك فينــــــــــا
ترانا ماتوقعنـــــــــــــــــــا
بعد هالغيبه تجينــــــــــــــا
رجعت بلطفك وذوقــــــــك
رجعت ورجعك شوقـــــــك
او الحب اللي في عروقـــك
جرى بدمك ينادينـــــــــــــا
تعذبنا كثير احنــــــــــــــــا
ولا نمنا ولا ارتحنــــــــــــا
وفجأة اللي ذابحنـــــــــــــا
تجي بيديك وتحيينـــــــــــا
نعم اثبت لي حبـــــــــــــك
وطيبة روحك وقلبـــــــــك
رحلت لشرقك وغربـــــــك
وتوقفت بموانينــــــــــــــا
ابي وعد وعهد منــــــــك
ابد لا يدور في ظنـــــــــك
تغيب ونبتعد عنــــــــــــك
ولا لحظه تخلينــــــــــــــا
يا بعد هالدنيا ليهـــــــــــــــ
ألحان : صلاح الهملان كلمات : سامي الجمعان
يا بعد هالدنيا ليه صاحبك تقسى عليــــــــــــــه
اللي اهدى لك حياته وانت مستكثر تجيـــــــــه
ارخص الدنيا لغلاتك واشترى فرحة حياتــــك
لو طلبته عيونه جاتك وانت تتغلى عليــــــــــه
لك حبيب يموت فيك حس به الله يهديـــــــــــك
هو منشغل باله عليك وانت ما فكرت فيـــــــه
كنك الماي لضماه وفرحته ولمسة شفــــــــاه
وانت حلمه في الحياة وانت كل اللي يبيـــــــه
يابعدهالدنيا ليه ..
ـــــــــــــــــــــــــــــــــــــــــــــــــــــــــــــــ
ويلي
ـــــــــــــــ
كلمات : العاني ألحان : مشعل العروج
يلا نعيش بدينا غيـــــــر
مليانه حب مليانه خيـــر
فيها الحبيب انت وبــس
الاول انت والاخيــــــــر
يا روح الــــــــــــــروح
كفايه جــــــــــــــــروح
ويلي يا ويلـــــــــــــــي
ويلي آآآآه يا ويلـــــــي
مالي في هالدنيا ســواك
انت يا اجمل مـــــــــلاك
انت الوحيد بدنيتــــــــي
ومابي اعيش الا معــاك
يا روح الــــــــــــــروح
كفايه جــــــــــــــــروح
ويلي يا ويلـــــــــــــــي
ويلي آآآآه يا ويلـــــــي
حبه ابيه والله ابيــــــــه
وقربه بروحي اشتريــه
هوه اللي غير دنيتـــــي
وخلا حياتي بين ايديـــه
يا روح الــــــــــــــروح
كفايه جــــــــــــــــروح
ويلي يا ويلـــــــــــــــي
ويلي آآآآه يا ويلـــــــي
ولا تزعل
ولا تزعل ولا تتعب شعـــــــــورك
ولا تاخذ على خاطرك منـــــــــــي
أبتأسف إلين ارضي غـــــــــرورك
وبقول اني مقصر غصب عنــــــي
انا معذور لو غبت بحضــــــــورك
وحسن الحسن عن حسنك شغلنـي
لأني بالحلى لو شفت نـــــــــــورك
بعيني ساعت القربه تعذرنـــــــــي
وش احلى من العداله غير جـورك
تجنى يا حلو منك التجنــــــــــــــي
ولو ان الشور في كل شي شورك
طلبتك بس في ذا الشي طعنــــــي
ــــــــــــــــــــــــــــــــــــــــــــــــــــــــ
ودي ابكي
ـــــــــــــــــ
ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام
انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام
ان شكيت للحال محدٍ لي سمـــوع
وان سكت الناس زادوني مـــــلام
طال صبري والزمن عيّ يطــــوع
والرجا باللي عيونه ما تنــــــــــام
ــــــــــــــــــــــــــــــــــــــــــــــــــــــ
وحشتيني..
ــــــــــــــ
وحشتيني .. وجيت اسأل واظن اني على بالـــــــــــك
عسى ماشر ماتسأل وش اللي غير احوالــــــــــــــــك
وحشتيني ..
رغم بعدك وتقصيرك .. ورغم انك معي قاطــــــــــــع
تزاعلني واجي لرضاك .. واحبك وارضى بالواقــــــع
وحشتيني ..
ترى مهما جرى مني .. ومهما كنت انا الغلطـــــــــان
سؤالك عني ما يمنع .. ولو قلبك علي زعــــــــــــلان
وحشتيني ..
احبك يا اجمل الاحساس .. وحشني حبك المجنـــــون
متى ترضى علي وتحن .. يا انت يا احلى مافي الكون
وحشتيني .
ـــــــــــــــــــــــــــــــــــــــــــــــــــــــــــــــ
مستغربة
ــــــــــــــــــ
كلمات : منصور الشادي
مستغربه تسألني وش غير عليك
لمه الوداع ارخى الستار
عيونك شتا والنار في رعشة ايديك
وصمت بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه
ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيرك تناهى شهدها
انتي المحبة كلها لا قبلها لا بعدها
ما يقدر النسيان عني يبعدك
مسافر انا كلي رجاء
لا تجرحين منهو التجاء
بعيونك الحلوه من الدنيا وجاء
كلي رجا كل رجاء
معنى حياته في كلمتين
حب ووفاء منك على مر السنين
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه
ــــــــــــــــــــــــــــــــــــــــــــــــ
المسافر
ــــــــــــــ
لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح
يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح
مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح
فمان الله
فمان الله يا مسافـــــــــر
عسى الله يسمح دروبك
وترجع بالسلامـــــــــــه
اذا بتطول الغيبـــــــــــه
امانه لا تقاطعنـــــــــــــا
ودوم ابعث سلامــــــــه
ــــــــــــــــــــــــــــــــــــــــــــــــ
فمان الله ..
ــــــــــــــ
معاك ايام عشناهـــــــــا
لها بقلوبنا ذكــــــــــرى
ولها شوق وهيامـــــــه
فمان الله ..
اذا انت تنام في الغربـــه
ومتهني في منامــــــــك
انا ليلي ما انامــــــــــــه
فمان الله ..
انا بيني وبين نفســـــي
اطلب من الله وادعــــي
يردك بالسلامـــــــــــــه
فمان الله ..
ـــــــــــــــــــــــــــــــــــــــــــــــــــــ
فقدناك
ـــــــــــــ
كلمات : سامي الجمعان ألحان : صالح الهملان
غبت يوم وعذرنــــاك
وبولهنا انتظرنــــــاك
يالله ارجع كفايـــــــــا
ابصراحه فقدنـــــــاك
يعني ما صاحت اذنـك
ما بكى الشوق منـــك
ما صرخ يوم حزنـــك
لحظه اللي طرينـــــاك
في غيابك نسينـــــــــا
وش لنا وش علينـــــا
شاغل البال فينـــــــــا
ليتنا ماتركنــــــــــــاك
انجبرنا نخليــــــــــــك
تبتعد عن مراسيـــــك
بس واللي يخليـــــــك
حتى بالحلم شفنـــــاك
ـــــــــــــــــــــــــــــــــــــــــــــــــــــــــ
غير الناس
ــــــــــــــ
ألحان : علي منصور كلمات : فيصل بن تركي بن ناصر
انت غير الناس عنـــــدي
انت عندي شي كبيــــــــر
كيف بصبر وانا شايــــف
ناس من حولك كثيـــــــــر
وانا احبك واقولها لـــــــك
كلمه خليها في بالـــــــــك
انا ماني اي عاشــــــــــق
انا لمه اعشق اغيــــــــــر
من عيون النــــــاس والله
اغار يا عمري علـــــــــيك
وما اتطمن وانسى خوفـي
الا وايديني بئديــــــــــــــك
بس تحمل كل جنـونـــــــي
لانك اغلى من عيونـــــــي
لو تدوّر ماتــــــــــــــــلاقي
منهو غيري يموت فيـــــك
انت غير الناس ..
قلبي في ايدينك يا غالـــي
بس خل بالك عليــــــــــــه
يا حبيبي هذا قلبــــــــــــي
وانت ادرى الناس فيـــــه
لو اعيش العمر كلـــــــــه
ما انسى حبك او املــــــه
ما ابي شي بحياتــــــــــي
انت بس اللي ابيـــــــــــه
انت غير الناس
ـــــــــــــــــــــــــــــــــــــــــــــ
علمتني
ـــــــــــ
كلمات : طلال الرشيد
علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى
سير علي ..
بس امسح دموعي وروح
سير علي ..
جب لي معك قلـــب وروح
سير علي ..
اذا تذكرت الجــــــــــروح
ياطاغي النظرة خـطا
تجزى بهالبخل العطا
وانا اللي اهديتك أمن
عين وجفـــــــــــــن
هذي فراش وذا غطا
ويا بحر ضايع فيه ..
ياجرح من وين ابتدي
وانت معي من مولدي
وعيت يــــــــــــــــدي
على وداعك تهتــــدي
بس انت علمني الجفـــــــــــــــا
دامني عجزت اعلمك كيف الوفا
ويا بحر ضايع فيه .
ــــــــــــــــــــــــــــــــــــــــــــــــ
الله كريم
ـــــــــــ
الله كريــــم الله كريـــــــــم
يهون الجــــرح الاليـــــــم
الله الله ..
لا صار ما طــــاع الزمــان
خلك على الدنيــــا حليـــــم
الله الله ..
هونهــــا بالصبر وتهـــون
ماهــــو غريبه من يخــون
الله الله ..
صــــار الوفا في هالزمــان
مــــحدٍ اذا قاله يصــــــون
الله الله ..
ياما في هالدنيا قلــــــــوب
تخدع ولا يمكن تتـــــــوب
الله الله ..
ان جيت انت الحبيــــــــــب
وان رحت حطوا بك عيوب
ــــــــــــــــــــــــــــــــــــــــــــ
يعلم الله ..
ـــــــــــــ
مادامت الدنيا تـــــــــــدور
خلك على الشده صبـــــور
يالله يالله ..
اصبر وقول الله كريـــــــم
يبدل الحزن بســــــــــرور
يالله يالله ..
الله كريم ..
ــــــــــــــــــــــــــــــــــــــــــــــــــ
أمي
ــــــــ
ألحان : خالد ناصر كلمات : علي الخوار
أمي يا أول حب عشته بدنيــــــــــــــاي
يا أول اسم تنطق شفاي طاريــــــــــــه
انتي هوى روحي وبعروقي المـــــــاي
عمري بدونك عمر ما عشت أنا فيــــه
ياما لقيتك في شتا وقتي دفــــــــــــــاي
حضنك يدفيني بحنانه وأدفيـــــــــــــــه
وياما مسكتي في أعنى الوقت يمنــاي
خوفٍ علي من الزمان وبلاويــــــــــــه
امي يا اول حب ..
انتي نظر عيني وبسمة شفايــــــــــاي
وانتي هوى قلبي وحبه وغاليـــــــــــه
وانتي الجميل اللي تعدى عطايـــــــاي
لو عشت كل العمر ما اقدر اوفيــــــــه
امي يا اول حب ..
تدعين ربك لي يسددلي خطـــــــــــــاي
وارفع انا كفي لله وادعيــــــــــــــــــــه
يا ربي تمنحني رضاها بدنيــــــــــــاي
وان ما رضت عني ترى العمر مابيـه
امي يا اول حب ..
ـــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــ
ـــــــــــــــــــــ
ـــــــــ
ــ
بعض كلمات أغاني راشد الماجد
17/4/2011, 4:17 pm
موضوع: بعض كلمات أغاني راشد الماجد 
