غي كل انحاء المنتدى
يشهد منتدنا الغالي مظاهرات حاشدة في كل انحاء المنتدى على البوابة والصفحة الرئيسية وكل اقسام المنتدى احتجاجا على ألفاء الرسائل الخاصة ولكن مدير المنتدى لم يستجب الى مطالب الاعضاء وانا من منطلق الأحساس الجماهيري اطالب السلطة في هذا المنتدى ان تعيد تشفيل الرسائل الخاصة ونحن معتصمون حتى اعادة تشغيل الخدمة والا سوف تمتد هذه المضاهرات الى كافة المنتديات
ارجو تحقيق المطالب قبل رفع سقف المطالب

غي كل انحاء المنتدى
طول بالك كرماوي هي نحنا من خلال كتابتك شرحنا وجهة نظرنا ورح نستنا الادارة لتشرح وجهة نظرها وعلى اساسه بنلاقي حل بيرضي الطرفين :evil: شايف قدي أنا دبلوماسية :(

غي كل انحاء المنتدى
هههههههههههههههههههههههههههههه
شو وصل المد الشعبي للمنتدى

بصراحة انا مو حابب ادخل بسياسة سمهر بالمنتدى
بس برأيي الشخصي..انا مو شايف اي سبب لألغاء الرسائل الخاصة
بالنهاية لازم يكون في هامش من الحرية الخاصة عند كل شخص منا سواء بهالمنتدى أو غيرو..أو حتى بالحياة العملية
برجع بقول هاد رأيي الشخصي لا اكتر ولا اقل

غي كل انحاء المنتدى
واللله شي مو كتير مهم انو تكون الرسائل موجودة
لااسباب كتيرة بجوز يفوت سمهر يحكي عنها بس الي
بعرفو انا مافي منتدى اذا دخلت فيه الرسائل بيصير مشاكل ولاتقولولي لاء هالشي كلنا منعرفوو
وبعدين في ناس هدفن للمنتدى مو للمعرفة والثقافة موقصدي الجميع بس في نسبة بس
ليتعرفو لبعض وهالكلام وتحديدا لو كانو شباب وبنات
واي منتدى مالازم يترك هيك فرصة لان هالشي مايصير
بس انا معكم لازم يكون في رسائل بس ضمن الواقع يعني لو تتم مراقبة الرسائل من شي حد ثقة ومحدد
عشان الرسايل مايكون فيها شي غلط
وهاد وجهة نظري
وشكرا الك كرماوي

غي كل انحاء المنتدى
معلش تعليق تاني
احلى شببلك انا معك بالحرية ووين مابدك بس اذا انت التزمت باالاصول والاحترام
ممكن غيرك يكون لا ويظهر هالشي بين الرسائل بين الاعضاء وتقوم الدنيا وتخرب
يعني الشي الاساسي بالاول
انت واي عضو بهالمنتدى ليش دخلووو ليتعرف عالناس بصفة عامة ويتثقف
ولا ليتعرف لمجرد معرفة خاصة
اذا الخيار الاول فمعناها انت هدفك منتدى مو رسايل
واسفة على الطولة

غي كل انحاء المنتدى
انا والله العظيم ماكنت حابب ادخل بالقصة بشكل موسع
بس كلام العضوة والاخت العزيزة كربوجي استفز الجانب النقاشي بشخصيتي

هلئ قبل كلشي..حابب وضع نقطة كتير مهمة
انا بعتبر حالي صرت جزء من أسرة شببلك المميزة من اليوم يلي سجلت فيه
وانو من اليوم يلي تعرفت فيه ع الأخ سمهر..صرت واحد من اسرتكم
لهيك رح احكي واخد راحتي بالكلام ضمن الأصول طبعاً..لأنو اهل البيت ما بيخجلو من بعض

الأخت كربوجي..ذكرت انو المنتدى هدفو ثقافي معلوماتي فقط!
وإنو يلي بدو يتعرف بشكل عام فيه يتعرف عن طريق صفحات شببلك
وقامت بمنع او تحريم التعرف الخاص من سياق كلامها
هلئ السؤال يلي بيطرح نفسو؟
هل هذا الشيء تعدي ع حقوق الأعضاء وحرياتهم الشخصية او لأ؟
أيـــن هي المشكلة في ان يتعرف الأعضاء ولا تبقى ضمن اطار وحيز وهمي فقط؟
ما المانع من ان يكون هناك الفى اكبر وجو تشاركي اكبر من صفحات المنتدى بين الأعضاء؟
وهل التعرف الشخصي بين الأعضاء محرم إذا كان ضمن الأخلاق والأعراف والأصول؟

وبما انو ذكرنا كلمة منتدى سابقاً
المفروض نعرف شو هو بغض النظر عن الهدف الأساسي من انشائو
المنتدى هو التفاعل المتبادل بين الأعضاء ضمن حيز الكتروني وهمي
وهالتفاعل بيشمل كل الزوايا والأمور ضمن القوانين والاطر والأعراف والأخلاق المعمول بها
سواء كانت في حيز خاص "شخصي" او عام
شببلك حالياً..محصور بجانب تفاعلي عام فقط
علماً انو من حق كل عضو يكون في جانب خاص يحتفط فيه
(طول ماهو محترم غيرو ومحترم قوانين المكان يلي هو فيه)

هلئ كربوجي ذكرت نقطة كتير مهمة
انو في ناس مو هدفهم يتثقفو أويتعلمو
وإنو في ناس هدفهم يتعرفو ع بعض فقط
طيب هل التعرف على الأخر خطأ بنظرك؟؟
هل ان يكون الإنسان اجتماعي بطبعه ذنب يعاقب عليه؟؟
ممكن ايا شخص تجتمع فيه صفتين
إنو يبحث عن الثقافة والمعرفة
وبنفس الوقت البحث والتعرف ع اشخاص يبادلونه نفس الأراء والمعتقدات وبحسهم قريبين منو

انا بشوف انو خدمة الرسائل الخاصة في المنتدى
متلها متل ايا شي بهالدنيا
ممكن يستخدمو الإنسان سلباً..وممكن يستخدمو إيجاباً
الشخص يلي عم يستخدم هالتقنية هو وحده من يحدد ماهيتها
فإن استخدمها فيما يرضي الله كان استخدامه خيراً لها
وإن استخدمها فيما يغضب الله..كان استخدامه شراً لها
فعلى سبيل المثال
العنب..من الممكن ان نأكله حلالأ طيباً
وهناك من يصنعه خمراً فيجعله محرماً
هل نقوم بتحريم العنب نهائياً ونمنع استيراده لان هناك من يستخدمه بشكل خاطئ؟؟؟؟؟

أرجو ان تكون كلماتي قد تركت وقعاً طيباً في قلوبكم
واسف على الإطالة مع احترامي لجميع اراء باقي الأخوة الأعضاء
فرأيكم صواب ويحتمل الخطأ..ورايي خطأ ويحتمل الصواب
وليس منا شخص معصوم عن الخطأ

شكراً لإصغائكم وحسن متابعتكم

غي كل انحاء المنتدى
انا رح اشكر الجميع للحوار الحلو والاحترام المتبادل

بس انا بعد اكتر من 5 مشاكل صارت بسبب الرسائل الخاصة لغيتها

وطبعا الكل ما عارف بلمشاكل الي صارت

ومنها مشكلة على الصعيد الاسري

وكان رح يسبب هاد المشكل

اغلاق المنتدى ورجوعي لسوريا

وانا اكيد ما فاتح الموقع لدمر حياتي او مستقبلي

وتاني شي

الوضع ما بيسمح اني افتح الرسائل الخاصة

والاهم من هاد كله

الموقع كان عم يمر بمشاكل كبيرة وما بدي زيد المشاكل بانهم الاعضاء يعاتبو بعضهم عندي

وبصراحة اكبر

موقعنا صابو بسبب الرسائل بين الاعضاء مشاكل كبيرة وخليته يتراجع بشكل كبير

وانا بصراحة ما رح افتح الرسائل

وبمانو الجميع وافق على انو الرسائل الخاصة تعارف عادي بين الاعضاء

والكل قصدو شريف


ونية سليمة انا رح نزل موضوع اسمو تعارف اعضاء الموقع

اي عضو بحب يتعرف على عضو يتفضل للموضوع

واساسا في كرسي الاعتراف وفي اسال العضو الي بدك اياه

والاهم في الدردشة

وعلى كل حال شو من كان ردكم رسائل ما بفتحها

وعفكرة انا عم لاقي صعوبة بتواصل مع الاعضاء بس قبلان المهم ما يصير مشكل جديد

غي كل انحاء المنتدى
اول شي بدي اشكر كل الأعضصاء على التفاعل وهاد شي اساسي لتطوير المنتدى وتاني شي انا معك اخي سمهر بس انا طالب بلرسائل مو مشان شي بس انا كان بدي اذا حدا بدو يحكي مع حدا يبعتلو رسالة واذا هيك انا عندي اقتراح هلأ ما بعرف اذا في خدمة بلمنتديات تنبيه الشخص انو في حدا بدو يحكي معك او هيك شي يعني مثلا اذا في هيك خدمة بيكون احسن من وجع راسك انت واي عضو انا هاد رأيي ما بعرف رأي باقي الأعضاء
وشكرا لكم على الأصغاء