زمن التناقضات
السلام عليكم ورحمة الله وبركاته
زمن التناقضات أو زمن النفاق الاجتماعي
ياترى مين المسؤول ؟؟
وليش وصلنا لهون ؟؟
يعني بهالزمن صرنا نشوف كتير من المنافقين والمتناقضين
مثل الشيخ سلتة بتعرفوه يمكن
أو صرنا نشووووفه كتيير للأسف
هاد ياسادة ياكرام بكون رجال بتعد معه بيعطيك مواعظ بالدين وحكم
ومابخلي لا فلان ولا علان ولا ابن جيران إلا وبيحكي عليه
وعلى عيلته
وبعدين بتلاقي مرته أو بنته عم تنفخ بالأركيلة
ومابتطلع من البيت إلا وكيلو مكياج حاطة
وأنينة العطر ماتاركة فيها نقطة
وبقلك شو اي حرية شخصية
وين كانت الحرية وقت المواعظ والحكم على باقي الناس
ياسبحان الله
السؤال هون
ميين السبب؟؟؟
شو يلي تغير؟؟؟
ليش وصلنا لهون ؟؟؟
يلي وصلنا لهون سكوتنا
لسانا يلي بيحكي عن كل شي إلا عن الحق
سكوتنا كاااارثة حقيقية
بحق أنفسنا وبحق دينا
كلنا مقصرين وكلنا عنا أخطاء
بس التغيير الجذري للأسوء هو الكارثة
وللأسف نسبة كبيرة صارت تقول اي شو بدنا نغير لنغير
ونسبة كبيرة بتمشي كل شي تحت مسمى اي مابأثر
عادي
لساتنا صغار
أحسن من غيرنا
ياترى فكرنا قديش رح نتحاسب عاسكوتنا
فكرنا بمصير جيل كااامل عايش بنفاق وضياع اجتماعي وخلقي وديني
فكرنا شو النتيجة يلي رح تطلع ؟؟؟؟
طبعا هاد مثال صغير واطلعوا حواليكن وشوفوا المجتمع
وفكروا شوي وحاولوا اتغيروا
وماحدا يقول مادخلني وكله هيك
وخلينا نتذكر حديث الرسول صلى الله عليه وسلم
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
ولكم أحبتي مساحة للتفكير والرد
وشكرا لكم