روحي بلقاك - ماجد المهندس ومنصور زايد  


روحي بلقاك إتفزّ فزّة حمامة

وتحوم حولك من غلاك وأملها

يا لين من نظرة غلا وابتسامة

إترد روحي الغالية في محلها



لك في فضى صدري فؤادن غرامه

يحمل محبة انسى تلقى مثلها

يعني إذا قلت احصى شوقه وهيامه

تقدر تقول بكثر هالدنيا كلها



أهواك وأرسم للتعجب علامة

كلما بنورك عيني خطت كحلها

وأسأل هواك اللي عظيمٍ مقامه

هل خلا فيني ذرةٍ ما وصلها



رح للقصيد ودور أعذب كلامه

ون جبت كلمة توصف إحساسي قلها

دامي عجزت ألقالي وصف ومدامه

حبك يسد بلاد ويكفي أهلها



أشكر هواك اللي غمرني اهتمامه

وأشكرها روحك يللي من طيب أصلها

سوت على عمري وعمرك غمامة

تمطر أحاسيسي وينبت غزلها



مثلك على راسي أشيل احترامه

وأعطيه من أيام عمري عسلها

لني مدام انته في خير وسلامه

ما ريد أي حاجة من الدنيا كلها

الموضوع الأصلي : روحي بلقاك ماجد المهندس ومنصور زايد // المصدر : موقع شببلك // الكاتب: زمن الامل

الموضوع الأصلي : روحي بلقاك ماجد المهندس ومنصور زايد // المصدر : موقع شببلك // الكاتب: عاشقة الجنة