أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
وتطوع في الجيش السوري قبل بدء الثورة وكان برتبة رقيب أول .
عرف بطيب خلقه بين رفاقه وعائلته ..
خرج أنيس في عدة مظاهرات مع أبناء بلدته منددا بجرائم النظام .
فتم إعتقاله لمدة شهر من كتيبة الهندسة التي يعمل بها في الشهر السابع من السنة الأولى للثورة .
وفي الشهر الثاني من عام 2012 تم إعتقاله للمرة الثانية لمدة شهر ونصف بتهمة تحريض العساكر على الإنشقاق الجماعي وتأمين مساعدات للجيش الحر .
وفي الشهر الخامس تم إعتقاله للمرة الثالثة لمدة عشرين يوم بتهمة إطلاق الرصاص على الحاجز وتأمين طرق إنشقاق للعساكر .
ذاق الشهيد خلال الفترات الثلاثة أقسى وأشد انواع التعذيب , وبعد خروجه من المعتقل قرر الإنشقاق عن الجيش النظامي .
أبشروا أهلَ الشهيدِ*** فابنكم مازال حيا
واشكروا لله فضلاً ***فهو في الفردوس يحيا
واسعَدوا بابنٍ تقيٍ*** راضياً نفساً أبيا
كلما نادى المنادي***تاركاً بيتَ الثُّريا
ما تهاوى من جوادٍ ***بل علا فوق الثريا
قبرُهُ قد فاح عطراً*** ليس سِرّاً أو خَفِيّا َ
هنِّؤوهُ باركوه *** عن زواجٍ بالحُرَيَّا
لا تقولوا قد توفَّى*** فَهْوَ في عِزٍّ رَضِيَّا
في يوم 9 / 11 / 2012 وبعد إقتحام مدينة الشيخ مسكين تمت مداهمة العديد من المنازل ومن بينها منزل الشهيد أنيس الحمصي .
دخل سبعة عناصر إلى منزل الشهيد وتم تفتيش المنزل كاملا وبعدها طلبو من افراد المنزل بعدم المغادرة من المنزل وخرجوا منه وبعد حوالي الربع ساعه تقريبا تم إقتحام المنزل من اربعين عنصر وتم إلقاء القبض على الشهيد أنيس وضربه , ثم أخذوه إلى خارج المنزل ووضعوه أمام شجرة زيتون وتم إطلاق 42 رصاصه وبعدها تم نحره برقبته امام مرأى والديه .
مياس الحمصي أخو الشهيد أنيس الحمصي :
( اجا اقتحام هاد اليوم بتاريخ 8\11\2012 كان اقتحام كبير ومعروف بالشيخ مسكين كان مافي نوم ضرب ضرب ضرب وكان يومها حارتنا مالحقت التفتيش واجلوها ليوم تاني فقنا الصبح بتاريخ 9\11\2012 وصارت الساعة عشرة واجو فاتو ع بيتنا , فاتو وفتشو عادي كانو بذكر سبع عناصر وطلعو وقالولنا بلحرف الواحد لابي الحجي لاتفتحو الباب خليكم هون لنروح "وطلعو ,,,بعد ربع ساعة اجو حوالي اربعين عنصر وفتشو مرة تانية اجا طلعت اخبارية ع اخي انو هاد انيس وقدامي العسكري قلو سيدي خبروني ناس هاد انيس الحمصي بخدم بلهندسة وهربان ,
اجو قدامي مسكوه ضرب ولوو ايدو ويقللهم مو انا مو انا كانت اخر لحظة بشوفها وانا تركوني وكان بابا مع عناصر محدا شافو غيري ساعتها اجو جابوه وقتلوه قدام بابا وماما ونحرو رقبتو و42رصاص
قتلوه بالبيت يلي جنبنا بيت جيرانا هناااك كانت نهايتو رشو 42رصاصة قدام شجرة زيتون والشجرة كلها دم صارت والله يرحمو شفتو اخر شي وقع وهو يضحك سبحان الله وشد ايدو ع التراب واظافرو كلها تراب صارت .
الحمدلله ع كلشي وريحتو كيف صارت حلوة جدا جدا لثاني يوم لقدرنا ندفنو لحتى طلعو وضليت طول الليل انا جنبة وحطلو مي مجمدة وريحتو طيبة وبوس راسو وحاكيتو وثاني يوم ودفناه وهو بعدو ينزف سبحان الله . ))
أنيس حيٌّ لا تقل أنيس ماتْ أوَهل يجف النيل أو نهر الفرات؟
لأنيس شمسٌ والشموس قليلة بشروقها تهدي الحياة إلى الحياةْ
أنيس يحيا في القلوب مجددًا فيها دماء الثأر تعصف بالطغاةْ
لما بتطلع على ام ربت ابنها صرخت كتييير وتوجعت لشافتو سهرت ليل نهار لكبر فات عالمدرسة وصار يكبر اول باول صارت تدورلو على عروس فرحانه في مبسوطه كتير شب وقد حالو صار فجأه بيجي حدا ..
ببيجي حدا مو مبين شكلو هو بشر هو وحش هو حيوان مفترس ماحدا بيعرف ابدا متنكر بهيئة انسان بياخد الابن وقدام عيونها بيضربو بتهمة او بلا تهمة وقفي هون وتفرجي عابنك اول طلقة تاني طلقه هيييك لل42 طلقه بموت قدام عيونها لاقادرة تضمو ولا تمسك ايدو ولاتعمل اي شي
والاب واقف يتفرج ربيتو سنييييين طووال كنت احمي ودافع عنو صار شب قدام عيوني كبر ورفعت راسي في بس بهاللحظة بدك تعذرني يابي لاقدرت قرب منك ولا قدرت ضمك وودعك الاب والام عم يتفرجو عضرب الرصاص وعم يعدو رصاصه برصاصه والابن يضحك قدامن سامحني يابي سامحيني يا امي لاتبكو علي شايف حور بالجنه وشايف باب الجنه قدامي شايف بسمة من الملك بيسقط عالارض وبيمسك التراب بايدو بشد عالتراب وبودعو سامحني ياتراب بلادي ماقدرت خلصك من الاعادي بأول طلقة شفت الجنه لكن دمعة امي قبالي بتاني طلقه شفت الحور بس شفت وجع بابا علي تالت طلقة تمنيت قلن لا تبكو يا اهلي علي برابع طلقه وراي الشجره تغسلت بدمي للذكرى وخامس طلقة رسمت رسمه بتحكي عن شوقي للجنه سادس طلقة طلعت تصرخ حقك عند ربي محفوظ سابع طلقه وانا مغمض ماشفت لا وجع ولا شي وتامن طلقه عصرت قلبن يمكن فيني شوية روح تاسع طلقة طلعها يمكن قهرن دمي وهو يسوح عاشر طلقة قهرت قلبن هالبسمه عشفافك مابتروح ومن 11 للعشرين لافكرو بقلب ولادين وضل تنين وعشرين يمكن هالبسمة بتروح ولما وصلو الاربعين لا الدم انمحى ولا الضحكه طلعو من المخزن تنتين وعيون اهلي بتتفرج ياوحوش الارض ماهميتو انا دمي بيسقي حوران دمي عطر تراب بلادي وغسل شجرة هالزيتون الشجرة بكيت من قلبا وزيتوناتها كبرو وزهرو هالتراب اللي تغسل زهزه وانتعش بالدم
عم اسقي ارضي بالدم يمكن تتطهر البلاد انا رايح عالجنه يامو وناطر ليث ومحمد بدنا بالجنه نتحاكى بدنا نتلاقى بالجنه لاتبكو يا اهلي علي ابكو عالخاين والكذاب ابكو عاللي باع هالبلاد عاللي قتل عاللي دمر ابكو عاللي قاعد برا عم يسرق باسم هالثورة ابكو عالدنيا الكذابه وهنوني بريحة هالجنة ...