العادات والتقاليد (صباح الخميس28-3)




ياصباح الندى صباح الفل صصباح الياسمين صباح المحبه وأحلى صبااح لأحلى أعضاء من أحلى اذاعة اذاعة شببلك
يسعدلي صباحكن


أتمنى أن تكون كلّ الفراشات بخير من الله تعالى ، وكذلك كلّ المسلمين ، والأوطان ......
بما ان المنتدى ينضح بالمواضيع التفاعلية الرائعة ، والفراشات يتسابقن للرشف من رحيق التنوع والمواهب ، قررت التغلغل بينهن ، ووجدت موضوع العادات والتقاليد كموضوع قابل للنقاش والاستفادة ......

العادات والتقاليد (صباح الخميس28-3)
صباحوووو ميرو ...
هلأ العادات والتقاليد اللي بتدل على تاريخ هالمكان إما بلباس معين أو طبخ أو أي شي تقليدي حلو هيك شي
أما عندك العادات والتقاليد الخاطئة فهي شغلة غير محببة عندك مثال أنو بقولولك**الرجال ما بعيبو شي ** يعني مثلا إذا نفس القصة صارت مع الشب والبنت بغضو نظر عن الشب وبلومو البنت ..أنا ما عم برر لأنو الغلط غلط والحساب عند رب العالمين واحد بس هي التمييز بين التنين شي بشع وما عم نقدر نخلص المجتمع من هالفكرة.. تقبلي مروري وبعتذر على الاطالة

العادات والتقاليد (صباح الخميس28-3)
يسعدلي صباحك لموش

لاتحكيلي عن هالعقليات يعني بتلاقي التمييز بيوصل معن بين الشب والبنت حتى بالدراسه بقولولك البنت لبيتها وزوجها ولفت نظري بعض الناس وقت يجو يخطبو لولادن بدورو عالبنت يلي مو مكمله دراستها لتصير بس لبيتها وزوجها وضد البنت تدرس بالجامعه وضد تشتغل وووو كتييير شغلات عنجد بتضايق وبتتمني لو تقدرس تغيري كلشي بس تناحة الراس والعياذ بالله

الله يهدينا يارب

العادات والتقاليد (صباح الخميس28-3)
يسعد صباحك ميرو موضوع حلو كتير
في عادات وتقاليد بمجتمعاتنا حلوة كتير والتمسك فيها لازم
أما في عادات مابتمس للدين وبيبقوا بقولو حرام وعيب ومابعرف شو
ويمكن تكون أحيانا محرمة بالدين
وللأسف بمجتمعاتنا التربية بتكون عالعادات والتقاليد أكتر من الدين
مشكورة ميرو وتقبلي مروري

العادات والتقاليد (صباح الخميس28-3)
يسعدلي ايامك حنين العسل

ياريت الناس يوعو ويعرفوا الصح من الغلط ويكسرو شي اسمو عادات وتقاليد

العادات والتقاليد (صباح الخميس28-3)
هلق اذا كانت حرام وانا متاكدة انها حرام اكيد مابغييرا بس اذا كانت لمجرد انو لاء وعيب ومابيصير وهاي عاداتنا وتقاليدنا اكيد بيغيرا بس لازم كون مقتنعة انا فيا حتى اقدر اقنع يلي حواليي واقدر واجهن ...لان الاغلبية من دون تفكير صار بس ماسكين كلمة انو لاء هاد حلال وهاد حرام يعني متل صارو مُسييرين وبس وصارو يربو الاجيال على هالشي وحتى صارو انو بالدين حلال الشب يعمل هيك والبنت حرام تعمل هيك ......والمفروض صار في تعليم وثقافة اكتر من قبل وصارت الناس اوعى ومو اي شي ننسبو للدين لان في شغلات كتير الدين متبري منا ........شكرا ميرو على الموضوع

العادات والتقاليد (صباح الخميس28-3)
يسعدلي ايامك سونا العسل نورتي الاذاعه

في ناس بتعمل متل وقت ماكانو الناس عايام الرسل تعبد الاصنام فيقولو اجيالن لقد وجدنا ابائنا تعبدها
فهيك عم يصير حاليا للاسف وعشغلات خطأ
انا معك الاشيائ الحرام هي اساسا منمشي عليها من القرآن والسنه اما مجرد عادات وتقاليد بتأثر سلبا عالمجتمع فهالشي ياريت ياريت يتغير ويصيرو الناس اوعى

العادات والتقاليد (صباح الخميس28-3)
اي اكيد بغير هي العادات وما بلتزم فيها كيف ما كانت وما رح اهتم لكلام الناس وانتقاداتهون بس ازا كان حرام تغييرها اكيد بلتزم فيها وانا ضد تزويج البنت هي وصغيره واكيد خالفت كتيير عادات

العادات والتقاليد (صباح الخميس28-3)
هلا نتالم لكن نتعلم نورتي غلا

اكيد متل ماحكيتي الشي الحرام بضل حرام
بس متل تزويج البنات هني وصغار هاد غلط ياريت يغيرو

العادات والتقاليد (صباح الخميس28-3)
يسعد صبااحك يااميرو

هلاء شغله العادات والتقاليد شغله معقده كتيررر

بس التقاليد الخطأ اصعب شي انو نغيرها لان ربيت براسن بهالطريقه
بس لو الكل توحد بفكره الصح منغير كتير شغلات

العادات والتقاليد (صباح الخميس28-3)
فعلا حبيبتي بس انتي التيها لو كل واحد بفكر واصلا مافي تفكير خلص مجرد تقليد بس

نورتي غلا