أخي وليس من ابي وامي(الاربعاء16-1)




ويااصباح الورد الشامي صباح الندى صباح الفل صباح الياسمين الشامي صباحكن محبه وتفائل
صباحكن حب صباحكن سعاده
منصحى عصوت منحبو او عكلمات كنا ناطرينها من زمان او عخبر حلو
كل يوم صباحنا بكون شكل بس عم يكونو احلى واحلى
يسعدلي صبااحكن يارب




احيانا بحياتنا بكون في اشخاص اخوة النا وأعز ويمكن بيجمعنا فيهن رابط اكبر من يلي موجود بيننا وبين اخونا الحقيقي
صح؟
عندي رفقات منن بعتبرن رفقه صادقه ورائعه ومنن بعتبرن متل اخوه لالي
رفيقك يلي بكون أخ الك بكون معك بكل خطوه بينصحك بينبسط معك بيزعل لزعلك ووقت تسود الدني بوجهك بتحسو اقرب الناس الك لتشاركو همك
في نااس كتيير عرفتن كانوا الي اروع من اخ واخت حقيقيين
مارح اكتب اكتر من هيك رح اعطيكن مجال لتعبرو عن افكاركن وتهدوا لاخوانكن يلي بتحبوه

تحياتي لجميع الغاليين
وطاب نهاركن بكل خير يااارب

أخي وليس من ابي وامي(الاربعاء16-1)
صباحووو ميرو اختيارك لهالموضوع كتيييير موفق وكلماتو رائعة مارح زيد عليه شي
في ناس وأصدقاء بحياتنا هني أخوة بالمعنى الحقيقي بساندونا بالحزن وبالفرح
وأنا في عندي 4 أشخاص بعتبرن عنجد متل أخواتي وبتمنى الله يجمعني فين قريبا

أخي وليس من ابي وامي(الاربعاء16-1)
يســـــــــــــعد صبآآحك يــآرب
صبآح الخير والبركة
صح في ناس كتير قريبين على قلبنا ومنعتبرن اكتر من اخوة النا
يسلم ايديكي على الموضوع

أخي وليس من ابي وامي(الاربعاء16-1)
يسعدلي صباااحكن ياحلوين

الغيه بتجنن ليندا

نورتو حبيباتي

أخي وليس من ابي وامي(الاربعاء16-1)
يسعد صباحك ومساكي حبيبتي ميرو
موضوعك متل العادة مميز
صح بحياتنا في أشخاص غاليين كتير متل الإخوات
منشعر بقيمتن وقت بيقفوا معنا دايما بحسسونا إنن موجودين بحياتنا
بتهمن أخبارنا وراحتنا بينصحونا
إن شاء الله يكون دايما في ناس بحياتنا أخوة
تقبلي مروري ميرو
ويسلمن عالغنية والله يجمعنا بوطنا

أخي وليس من ابي وامي(الاربعاء16-1)
يسعدلي ايامك حنينوو

يااارب ياقلبي والله بتمنى اجتمع فيكن كلكن بسوريا ياأحلى رفقات وأخوات

نورتي غلا