الزواج مابين اختيار الفتاة ورفض الأهل(صباح الاربعاء9-1)




ياصباح الورد الشامي صباح الندى والفل صبااح حلو بس متأخر شوي ^^

مَع كُلّ صَباحٍ أُغمضُ عَيني..

,,فتولَدُ بَسْمة,,
ترسُم للشاّمِ في مُخيلتي..

,,أَحلى َرسْمَة,,
تأتيني كَياسَمينة بَيضاءَ..

,,تدَاعِبْها نسْمَة,,
هِيّ عِشق,هيّ دِفءٌ,هيّ مِن

,,كلّ شيءٍ أَسْمَى,,



((صبــــــــــــــاح الخير ياشــــام))

أهــلـي سبب عنوستي

كثيراًما سمعنا هذه العبارة من افواه الكثير
من فتيات لا ينقصهن العلم ولا الأدب ولا المال وقد
ويتمتعن بجمال يخطــف الألباب ومع هذا كله يحملن لقب" عوانس "

:

والفتاة في مجتمعنا العربي قد أرتقت
إلى أعلى درجـــات العــلـم والمعرفة ونالت أعلى
المناصب الوظيفية ومع هذا وذاك فهــي
لا تزال لا تملكِ حق أختيار أو رفض شريك الحياة فتقــــول :
أنهم أهلـي فبسببهم أحمل لقب " أنسة "

:

فما هي الأسباب التي تجعل الأهل
يرفضون عريس جــاء يخطب أبنتهــــم
أسباب كثيرة اكثرها غير مقنع وتافـــــــه

واليوم رح نستضيف ضيفه حلوه ورح تناقشنا بموضوع اليوم
خلينا نرحب كلنا بالجميلة لما

ورح نستقبل جميع اسئلتكن ومناقشاتكن عن الموضوع

منبئى مع هي الغنيه ومنرجع مع لما

الزواج مابين اختيار الفتاة ورفض الأهل(صباح الاربعاء9-1)
صباحوووو ميرو .... يسلمو هالايدين الموضوع كتير حلو ومميز وبلأخص بهالزمن
اللي صاير بهالموضوع متل حلقة مفرغة وهالمجتمع اللي عايشين في بيفرض أفكار كتير خاطئة
وظالمة بحق البنت كتير ... والأهل بأحيان كتيرة بيلعبو دور كبير بتأخير زواج البنت بسبب المتطلبات الكتيرة اللي أغلبا مالا داعي
يمكن يكونو هني هيك بفكرو أو نتيجة أطباع موروثة من الأجيال اللي قبلن وما بحاولو يغيروها ...
ومتل ما قلتي أنو البنت وصلت لمرحلة ومراتب علمية عالية وما عم ينقصا شي و بنفس الوقت ما إلا حق الاختيار
يعني هيك واقع نتيجة عادات وتقاليد ما حدا عم يحاول يتخلص منا شكلا عاجبتن كتير ههههه
وعنجد هي الكلمة ""عانس"" فيا ظلم كتير للبنت وما حلوة أبدا ومثلا ليش ما بقولو عن الشب اللي بيتأخر بالزواج عانس ولا شو رأيكن

بعتذر عالاطالة بس موضوع مهم وبشد كتير

الزواج مابين اختيار الفتاة ورفض الأهل(صباح الاربعاء9-1)
يسعدلي صبااحك ياعسل تسلمي عالاطلاله الحلوه نورتينا

كلامك رائع وفعلا هاد يلي عم يصير وماننسى كمان وقت بقولوا نحنا من حبنا لبنتنا منخاف يطلع حظها مو منيح بس غلط التفكير بهالطريقه بالنهايه قد ماكانوا الاهل حريصين اكيد رب العالمين قاسم لكل شخص شو ح ياخد بحياتو يعني افضل حل يتوكلوا ع الله ويعملوا استخاره والله بيسر الخير

وفعلا معك حق البنت عطول مظلومه بمجتمعنا يعني انا بعرف شباب بكونوا صاروا بالخمسين بيقعدوا بدورولو عبنت ال 14
انا بتمنى نوصل لزمن يكون عنا وعي فكري وثقافي مانحس انو فئه مظلومه عحساب التانيه نحس انو الكل بيسعى ليعيش حالو ويعيش العالم معو بنفس الوقت
وعلى أمل يجي هالزمن لو على وقت ولادنا او ولادن

وبرجع برحب فيكي لما العسل ميرسي عتلبية الاستضافه غلا واسمحيلي اهديكي هالغنيه

الزواج مابين اختيار الفتاة ورفض الأهل(صباح الاربعاء9-1)
وطبعا كل شي نصيب بهالدنيا وأكيد رب العالمين بييسر لكل شخص نصيبو بس كمان نحنا إلنا دور بخيارات حياتنا لأنو الإنسان مخير ومسير بنفس الوقت

يسلمووووو ميرو الغالية عإهداء الغنية كتيييير حلوة دخيلو المذوق أنا شو عرفك أني بحب أغاني كاظم كتيييير :evil:

الزواج مابين اختيار الفتاة ورفض الأهل(صباح الاربعاء9-1)
ولووو يالموش مو هي شغلتي ^_*

نورتي حبيبة قلبي

الزواج مابين اختيار الفتاة ورفض الأهل(صباح الاربعاء9-1)
صبااح الخير عليكي وعضيفة الاذاعه لما

موضوع مهم وصاير كتير بوقتنا بس بظن بعد ارادة رب العالمين بيجي اصرار البنت عالموضوع واخر شي الاهل كونو بهمن مصلحة بنتن مارح يوقفوا بطريقها لو شافو اصرارها

تحياتي الكن

حابه اسمع اغنية وائل كفوري كلما بتشرق وبهديها لحبيبي ولاعضاء شببلك كلن

الزواج مابين اختيار الفتاة ورفض الأهل(صباح الاربعاء9-1)
يسعدلي صباحك كاميليا طبعا الصارار بيلعب دور مهم اصلا الاستسلام بسرعه مو حلو ولا بأي موضوع زواج او غيرو

وهي غنيتك نورتي ^__^

الزواج مابين اختيار الفتاة ورفض الأهل(صباح الاربعاء9-1)
يا صباح الورد والفل والياسمين

اول شي يسلمو ع هالموضوع الحلو

تاني شي مافي شي اسمو عانس في بنت الله كفاها شر الزواج لانو يمكن اما لها خير فيه
انا عم احكي ع كلمه عانس

انا ضد الاهل يرفضوا العريس وخصوصا ان كان من اختيار البنت
لانو في بعد الاهل بتفكر انو بنتي يلي اختارت معناها اختيارها غلط
انا ضد هالشي المفروض يسألوا عنو يدرسوا اخلاقوا يشوفوا مناسب او لا بعدها يقرروا اما الرفض القطع هاجد اكيد كما بصير

الزواج مابين اختيار الفتاة ورفض الأهل(صباح الاربعاء9-1)
صباح الورد هديلو

صح معك حق هيك لازم بس الاهل ااخ منن

نورتي ياعسل

الزواج مابين اختيار الفتاة ورفض الأهل(صباح الاربعاء9-1)
يسعدصباحك

للاسف ميرو كتير من الاهل هني الي بيختارو مو البنت

ويوم البنت بتختار شب ماناقصه شي

الاهل بوقفو وبيرفضو لان بيكون ماعنده لابيت ولاسيارة ولا مال كتير

هي غير اذا البنت بيعجبا الشب بس الاهل لان البنت بدها الشب بيصيرو مابيعطوه البنت

مجتمعنا فيه اخطاء كتيرة وكبيرة كمان

الزواج مابين اختيار الفتاة ورفض الأهل(صباح الاربعاء9-1)
يسعدلي ايامك سميه

صح لسانك غلا هاد يلي صاير معنا للاسف

بعين الله

الزواج مابين اختيار الفتاة ورفض الأهل(صباح الاربعاء9-1)
يسعدصبااااااااااااااااحك
حق الاختيار لازم للفتاه والحمدالله تقدمنا كتير وتغيرت عاداتنا للاحسن
بس لسا في ناس واهل اذا ماتشرطو عالشب مابيمشي حال

واذا ماكان عنده شي منيح واخلاقه منيح مابيعطو طيب والله الاساسا الطيب والاخلاق والدين طبعا

الزواج مابين اختيار الفتاة ورفض الأهل(صباح الاربعاء9-1)
اي طبعا غلا في اولويات اهم لازم نراعيها

نورتي غلا